«Ընտանեկան բռնությունը կանխարգելող օրենքի ընդունումը մի բան էլ ուշացած է։ Այն շատ կարևոր է»,- «Առաջին լրատվական»-ի հետ զրույցում ասաց փաստաբան Ինեսա Պետրոսյանը, ով ի տարբերություն Փաստաբանների պալատի նախագահի և մի շարք այլ փաստաբանների՝ ընտանեկան բռնության դեմ օրենքի նախագծին կողմ է արտահայտվում։
Այսօր Փաստաբանների պալատը քննարկում էր կազմակերպել օրենքի նախագծի վերաբերյալ, որին հրավիրված էին հիմնականում նախագծին դեմ արտահայտվողներ, որոնք շատ դեպքերում ծայրահեղության գիրկն էին ընկնում՝ հայտարարելով, որ օրենքի ընդունումը սրիկայություն է, և որ դա հսկայական գումարների դիմաց պարտադրվել է Եվրոպայից։
Ինեսա Պետրոսյանի խոսքով՝ 21-րդ դարում անընդունելի է բռնությունը կանխող օրենք չունենալը։ «Ես կարծում եմ, որ սա զսպող դեր կունենա, և բռնարարը, բռնություն գործադրելուց առաջ գիտակցելով, որ իր արարքի համար կարող է պատասխանատվության ենթարկվել, չի գնա այդ քայլին։ Մենք ունենք խնդիր, և այդ խնդիրը լուծել է պետք»,- ասաց փաստաբանը՝ հավելելով, որ օրենքը այս տեսքով հանգիստ կարող է ընդունվել։
Առավել մանրամասն՝ տեսանյութում:
