Հայաստանի վարչապետ Կարեն Կարապետյանը այսօր պաշտոնական այցով Իրանի Իսլամական Հանրապետությունում է:
«Պաշտոնական այցով ժամանեցինք Իրանի Իսլամական Հանրապետություն», – գրել է նա իր ֆեյսբուքյան էջում ու հրապարակել լուսանկարներ:
Ավելի վաղ պաշտոնապես հաղորդվել էր, որ ՀՀ վարչապետ Կարեն Կարապետյանն Իրանի նախագահի առաջին տեղակալ Էսհաղ Ջահանգիրիի հրավերով հոկտեմբերի 9-ին երկօրյա պաշտոնական այցով կմեկնի ԻԻՀ։
Հայաստանի կառավարության ղեկավարը Թեհրանում հանդիպումներ կունենա ԻԻՀ նախագահ Հասան Ռոհանիի, նախագահի առաջին տեղակալ Էսհաղ Ջահանգիրիի, Մեջլիսի նախագահ Ալի Լարիջանիի հետ:
Կարեն Կարապետյանն այցելելու է նաև «Արարատ» մարզական ակումբ, որտեղ նախատեսված է նրա հանդիպումը տեղի հայ համայնքի, այդ թվում՝ գործարար հատվածի ներկայացուցիչների հետ:
