«Ազատամարտիկների դաշինք»-ի վարչության անդամ, պաշտպանության նախկին փոխնախարար Գագիկ Մելքոնյանի դիտարկմամբ՝ ՊՆ-ում կադրային փոփոխությունները անհրաժեշտ են, բայց նոր նշանակվողը պետք է ավելի պատրաստված կադր լինի, քան նախկինն է, պիտի անցած ճանապարհ ունենա:
«Վարչության պետերի են փոփոխում, նշանակում են մի մարդու, որը տեղյակ չէ, թե ինչ պիտի անի: Միայն կադրային փոփոխություններով չէ, որ բանակը պիտի ուժեղացվի: Բանակը պիտի սկսած զինվորի ուտելուց, հագնելուց, սպայական կազմի պատրաստությունից ու զինատեսակների արդիականացմամբ հզորացվի»,-նշեց նա:
Անդրադառնալով քաղաքական հարցերին, մասնավորապես Ժիրայր Սեֆիլյանի ազգային դիմադրության ճակատ ստեղծելու հասցեական կոչին, որի մեջ նշված է նաև Սեյրան Օհանյանի անունը, գեներալը նշեց, որ այդ ճակատում չի պատկերացնում Սեյրան Օհանյանին, բայց հարցը պետք է նրան տալ:
«Ազգային դիմադրության ճակատ չի ձևավորվի, որովհետև անունները ասվում են, բայց ում անունը տված է, համամիտ են դրան, մարդիկ կան թե չկան, կարելի է մի 1000 հատ անուն տալ: Բայց էդ մարդկանց հարցրել եք՝ իրենք համաձա՞յն են ազգային ճակատի ստեղծմանը, կամ նմանատիպ կառույցի ստեղծմանը համաձա՞յն են: Ի՞նչ է իրենց նպատակը: Պիտի մարդկանց հետ նստես ու խոսես»,- շեշտեց նա:
Մանրամասները՝ տեսանյութում:
