ԱՄՆ նախագահ Դոնալդ Թրամփը, ելույթ ունենալով մասնավոր բարեգործական երեկույթի ժամանակ, Աֆղանստանը համեմատել է ահաբեկիչների բիզնես-դպրոցի հետ, գրում է The Washington Post-ը։
ԱՄՆ առաջնորդը նշել է, որ կցանկանար դադարել գումար ծախսել ռազմական արշավի վրա և դուրս բերել զորակազմն Աֆղանստանից, սակայն գեներալները տարհամոզել են իրեն։
Թրամփն ընդգծել է, որ այդ քայլը կարող է տանել ահաբեկչության, ինչպիսին տեղի է ունեցել 2001 թվականի սեպտեմբերի 11-ին։
Նա նշել է, որ Առևտրի համաշխարհային կենտրոնի վրա հարձակված մարդիկ նախապատրաստություն էին անցել Աֆղանստանում։
Ինչպես ավելի վաղ հաղորդվել էր, ԱՄՆ-ը ցանկանում է մեծացնել իր զորակազմն Աֆղանստանում։ Պենտագոնի ղեկավար Ջեյմս Մետիսը հայտարարել էր, որ խոսքն ավելի քան 3000 զինծառայողի ուղարկման մասին է։
