Samsung Electronics ընկերությունն այսօր Մաշտոցի-15 հասցեում վերաբացեց Samsung ֆիրմային խանութի վաճառասրահը:
Բացմանը ներկա էին Samsung Electronics ընկերության տարածաշրջանային և գլխամասային ներկայացուցիչներ, ովքեր ծանոթանացան նորաբաց խանութ սրահին և առաջարկվող տեսականուն:
Լրագրողների հետ զրույցում Samsung-ի Ղազախստան, Կենտրոնական Ասիա, Կովկաս և Մոնղոլիա գլխամասի գրասենյակի նախագահ Սին Սիկ Չոյն ասաց, որ վաճառասրահն արված է այնպիսի դիզայնով, որ հայ սպառողը խանութում զգա Samsung-ի բոլոր առավելությունները. «Այս խանութում կարելի է գտնել ոչ միայն մոբայլ, այլև՝ կենցաղային տեխնիկայի և հեռուստացույցների մեծ ընտրանի»,- նշեց նա:
Խոսելով նոր սարքավորումների մասին՝ նա ասաց, որ վերջերս շուկա են մուտք գործել Samsung Galaxy Note 3-ը և Samsung Gear-ը, որը կապված է այս հեռախոսի հետ: Այսինքն սմարթֆոնի ֆունկցիաները հնարավոր է կառավարել ժամացույցի միջոցով:
ՀՀ-ում Samsung Electronics-ի պաշտոնական ներկայացուցչության ղեկավար Անդրանիկ Շահբազյանն էլ հավելեց, որ մասնաճյուղի վերաբացման առթիվ հոկտեմբերի 11-13-ը խանութից գնելով 150 000 դրամից բարձր գնով ցանկացած ապրանք՝ գնորդը նվեր կստանա փոշեկուլ կամ ֆոտոխցիկ:
Բացի այդ, գնորդները հնարավորություն կստանան մասնակցել խաղարկությանը և շահել Samsung Galaxy S4 Zoom: Խաղարկությունը կկայանա նորաբաց վաճառակետում՝ հոկտեմբերի 12, 13 և 14-ին, ժամը 13:00-ին:
