Ադրբեջանում Ժողովրդավարական ուժերի ընդդիմադիր ազգային խորհուրդը, որը չի ճանաչում նախագահական ընտրությունների արդյունքները, նախատեսում է ցույց անցկացնել: Այս մասին հաղորդում է «Նովոստի Ազերբայջան»-ը՝ վկայակոչելով նախագահի թեկնածու Ջամիլ Հասանլիին:
«Ազգային խորհուրդը ցույցի անցկացման հայց կներկայացնի Բաքու քաղաքի գործադիր իշխանություններին: Հույս ունենք, որ հարթակ կտրամադրեն մեր բողոքն արտահայտելու համար: Մենք մեր իրավացի լինելը կապացուցենք բոլոր միջազգային կազմակերպություններում»,- ասել է Հասանլին:
Հասանլին կրկին հայտարարել է ընտրություններում կեղծիքների փաստերի մասին: Նրա շտաբի աշխատակիցները շարունակում են բողոքներ և քվեարկության հաշվարկների արձանագրություններ հավաքել: Հետագայում այդ փաստաթղթերը կօգտագործվեն քվեարկության արդյունքների հստակեցման և պաշտոնական տվյալների արդյունքների հետ ստուգելու համար:
Ադրբեջանի Կենտրոնական ընտրական հանձնաժողովի վերջին տվյալներով՝ երկրի գործող նախագահ Իլհամ Ալիևը հավաքել է ձայների 84.59%-ը, իսկ Հասանլին՝ 5.4%-ը:
