2014-ին ԱՄՆ-ն այլևս չի լինի նավթի խոշոր ներմուծող, այդպիսին կդառնա Չինաստանը: Այս մասին գրում է Vedomosti.ru կայքը՝ վկայակոչելով ամերիկյան էներգետիկ տեղեկատվության գերատեսչությանը (EIA):
Չինաստանը առաջ է անցել ԱՄՆ-ից արդեն այս տարվա սեպտեմբերին: Սակայն ամբողջ 2013-ի ընթացքում ԱՄՆ-ում ներմուծումն ավելի շատ կլինի:
ԱՄՆ-ում նավթի ներքին պահանջարկի և սեփական արդյունահանման միջև տարբերությունը սեպտեմբերին օրական 6.24 մլն բարել էր, Չինաստանում՝ 6.3 մլն: 2014-ին Չինաստանում նավթի մաքուր ներմուծումը կհասնի մինչև օրական 6.57 մլն բարելի, ԱՄՆ-ում կնվազի՝ դառնալով 5.71 մլն:
Չինաստանում վերջին 5 տարիներին նավթի պահանջարկը 40 տոկոսով աճել է՝ հասնելով օրական մինչև 10.7 մլն բարելի, ԱՄՆ-ում ընկել է 4 տոկոսով:
