Հոկտեմբերի 7-ին Կինոգործիչների միությունը նոր նախագահ կունենա: Առաջադրված թեկնածուներից է ռեժիսոր Վահե Գևորգյանցը՝ Գևորգ Գևորգյանցի որդին։ «Առաջին լրատվական»-ի հետ զրույցում Վահե Գևորգյանցը նշեց, որ կողմնակից է առողջ մրցակցությանը, նույնիսկ դա մրցակցություն չի համարում, որովհետև միության անդամները իրեն և մյուս թեկնածուներին ճանաչում են և շատ ճիշտ ընտրություն կանեն։
Ըստ մամուլի հրապարակումների՝ իշխանությունը այս ընտրությանը պաշտպանելու է Հարսւթյուն Խաչատրյանի թեկնածությունը։ Վահե Գևորգյանցից «Առաջին լրատվական»-ի հետ զրույցում, անդրադառնալով խնդրին, նշեց.«Մամուլը կարծում է, որ նման աջակցություն կա, ես, անկեղծ ասած, այդ մասին չգիտեմ։ Միության անդամներն իրենք են որոշում, ամեն մեկն իր որոշումն է կայացնում, վերևի աջակցությունն ինչ կապ ունի», -ասաց նա։
Վահե Գևորգյանցը նշեց, ուր ունի ռեալ պրոյեկտ, որի մասին միության համագումարի իր ելույթում անպայման կասի.«Ինձ շատ են առաջարկ արել՝ մեծ ծրագիր գրել, բայց ես իրատես եմ, ես գիտեմ, թե ինչ հնարավորություններ մենք ունենք և ըստ այդ հնարավորությունների՝ գրել եմ իմ ծրագիրը։ Իհարկե, հիմա ես դա դեռ չեմ հրապարակի։ Դա միության անդամների համար է, համագումարում անպայման կհրապարակեմ»,-հավելեց նա։ Հարցին՝ Հայաստանում ընտրությունների անցկացման մեքենան մտավախություն չունե՞ք, որ կկրկնվի, Նա նշեց, որ վերջին 9-10 տարվա ընթացքում չի տեսել, որ ընտրությունները վատ կամ սխալ ընթանան.«Ի վերջո, ժողովուրդն է ընտրում։ Գուցե ինչ-որ մեկը ինչ-որ բան անում է, դա իմ ձեռքի տակով չի անցել, որ ես ասեմ։ Շատ հավանական է, որ ինչ-որ խարդախություններ անում են, բայց ես դա չեմ տեսել։ Սա ես ասում եմ քաղաքական ընտրությունների մասին, իսկ ստեղծագործական միություններում միշտ էլ նորմալ է ամեն ինչ ընթանում։ Ընդամենը մեկ միությունում էր մի քիչ ոչ առողջ մրցակցություն, բայց վերջում ամեն ինչ նորմալ ավարտվեց»,-ասաց Վահե Գևորգյանցը՝ հավելելով, որ ում էլ միությունը նախագահ ընտրի, ինքը պատրաստ եմ սեղմելու նրա ձեռքը, պատրաստ է նրա հետ համագործակցելու, աշխատելու։
