Լիբիայի Արդարադատության նախարարությունը կանչել է ԱՄՆ դեսպանին «Ալ-Քաիդա»-ի առաջնորդներից մեկի՝ Անաս Ալ-Լիբիի ձերբակալության կապակցությամբ պարզաբանումներ ստանալու համար: Այս մասին հաղորդում է France-Presse գործակալությունը՝ վկայակոչելով պաշտոնական աղբյուրներին:
Անցած հանգստյան օրերին ամերիկյան հատուկ ծառայությունների հետախուզական գործողության հետևանքով Լիբիայի մայրաքաղաք Տրիպոլիի մոտ ձերբակալվել է Անաս Ալ-Լիբին, որը կասկածվում է 1998թ. Նայրոբիում և Դար Ալ-Սալամում ԱՄՆ դեսպանատան վրա հարձակման մեջ: Նրան բռնելու դիմաց ԱՄՆ իշխանություններն առաջարկում էին 5 միլիոն դոլար:
Այժմ Ալ-Լիբին գտնվում է Միջերկրական ծովում ԱՄՆ ռազմա-ծովային ուժերի նավի վրա: Հետախուզական գործողությունը, որի ընթացքում հաջողվել է ձերբակալել Ալ-Լիբիին, անձամբ հաստատել է ԱՄՆ նախագահ Բարաք Օբաման:
Մի շարք ԶԼՄ-ներ հաղորդել են, որ գործողությունը համաձայնեցված է եղել Լիբիայի կառավարության հետ: Սակայն տեղի իշխանությունները հայտարարել են, որ ոչինչ չեն իմացել այդ մասին և պարզաբանում են պահանջել ԱՄՆ-ից:
