«Իրմա» փոթորիկը, որը շարժվում է Վիրջինյան կղզիների ու Ֆլորիդայի ուղղությամբ, հասել է առավելագույն՝ 5-րդ կատեգորիայի: Աերոտիեզերական ոլորտի ինժեներ Նիք Անդերվուդն ինքնաթիռով մխրճվել է մոտ 320 կմ/ժ արագությամբ շարժվող փոթորկի մեջ և նկարահանել այն։ Այս մասին հայտնում է The Daily Mail-ը։ Տեսանյութում երևում է, թե ինչպես է ինքնաթիռը ցնցվում։
Խիզախ օդաչուի հավաքած տվյալների հիման վրա փոթորկի զարգացման վերաբերյալ կանխատեսումներ կարվեն:
Ատլանտյան օվկիանոսում ձևավորված փոթորկի գրոհի գոտում են հայտնվել միլիարդատերեր Ռոման Աբրամովիչի ու Ռիչարդ Բրենսոնի մասնավոր կղզիները։
«Իրման» ավելի հզոր է, քան «Հարվի»-ն, որն օրեր առաջ ավերածություններ էր առաջացրել Տեխասում։
