Թուրքական Hürriyet թերթի փոխանցմամբ՝ Իտալիայի միացյալ պետության ստեղծման 150-ամյակին նվիրված միջոցառման ժամանակ միմյանց ողջունել են Թուրքիայի արտգործնախարար Ահմեդ Դավութօղլուն և Հայաստանի նախագահ Սերժ Սարգսյանը։
Հռոմի հյուրանոցներից մեկում տված ասուլիսի ժամանակ Դավութօղլուն հայտարարել է, որ Հռոմում կայացած միջոցառումներից մեկի ժամանակ ավտոբուսի մեջ ինքն ու նախագահ Սարգսյանը ողջունել են միմյանց:
Դավութօղլուն նաև նշել է, որ իրեն հաջողվել է առավել հանգամանալից հանդիպում ունենալ Ադրբեջանի նախագահ Իլհամ Ալիևի հետ ու քննարկել ղարաբաղյան հակամարտության կարգավորման թեման և Կազանում կայանալիք եռակողմ հանդիպումը։