Հնդկաստանում ճանապարհատրանսպորտային պատահարի հետևանքով 28 մարդ է զոհվել, որոնցից 13-ը երեխաներ են: Այս մասին հայտնում է Associated Press-ը:
Վթարը տեղի է ունեցել Ասսամ նահանգում՝ Գաուհաթի քաղաքից 160 կմ հեռավորության վրա: Հաղորդվում է, որ Արևմտյան Բենգալիա նահանգ ուղևորվող բեռնատարը բախվել է երկու մինի ավտոբուսների, որոնք աշխատողներին տանում էին աղյուսների արտադրամաս:
Բախման հետևանքով ավտոբուսները դուրս են եկել ճանապարհից ու ընկել առուն: Զոհված 5 աշխատողները կանայք են, ովքեր այդ օրը իրենց երեխաների հետ էին: Հայտնի չէ, թե ինչ է տեղի ունեցել բեռնատարի վարորդի հետ: Նրա մարմինը չի հայտնաբերվել:
Վթարից այլ մանրամասներ չեն հաղորդվում:
