Չինաստանում ֆերմերները հսկայական կրծողի են որսացել, որը, ինչպես նրանք են ենթադրում, առնետ է: Ականատեսները պնդում են, որ այդ կենդանին ահաբեկել է գյուղի բնակիչներին և կերել մի ամբողջ ձուկ:
Որսորդները փորձել են մասերի բաժանել 5 կգ կշռող առնետին՝ ուտելու համար, սակայն նրանց դանակները կոտրվել են նրա հաստ մաշկի և ոսկորների պատճառով:
Հրեշավոր կենդանուն առաջին անգամ նկատել են Հունան գավառի Շենյան գյուղի լճակի մոտ, որտեղ, ինչպես պատմում են բնակիչները, նա ձուկ է որսացել և ամբողջությամբ կուլ տվել այն, գրում է Mail Online-ը:
Գյուղի տղամարդիկ միավորվել և, թակարդ լարելով, բռնել են հսկայական կենդանուն: Սակայն նրան սպանելուց հետո, երբ ցանկացել են մասնատել, միայն կոտրել են դանակները:
Նշենք, որ Չինաստանի շատ վայրերում առնետները որպես սնունդ են ծառայում:
