«Առավոտ» օրաթերթի գլխավոր խմբագիր Արամ Աբրահամյանն այսօրվա խմբագրականում գրում է.
Ռուսաստւսնյան «Ռեգնում» գործակալության վերնագրերը. «Մոսկովյան պատրիարքարանի Ուկրաինական ուղղափառ եկեղեցին հերձվածողների հետ սատարել է Ուկրաինայի «եվրաինտեգրմանը»: Վերջին բաոը վերցրած է չակերտների մեջ:
«Կյանք աոանց իշխանության և երկրի վաճառքը մաս- մաս. Ուկրաինայի վերջին շաբաթվա իրադարձությունները»:
«Ուկրաինական ճգնաժամ. Յանուկովիչի հայրենիքում վերջին մեկ տարվա ընթացքում 50 հազար մարդ կորցրել է աշխատանքը»:
Մի խոսքով մի խմիր այդ եվրոպական ջուրը, ուկրաինացի եղբայր, այծիկ կդաոնաս: Այդ ֆոնի վրա՝ «Արևմտամետ ընդդիմության պատգամավոր Զարուհի Փոստանջյանը Հայաստանում ռուսաստանցի սահմանապահների նկատմամբ սադրանք է սարքել»:
Այսինքն՝ նրա «սադրանք սարքելու» գլխավոր պատճառը արևմտամետ լինելն էր:
Խնդիրն, իհարկե, «Ռեգնումը» չէ՝ ամեն մի լրատվամիջոց կարող է քարոզել այն գաղափարները, որոնք իրեն դուր են գալիս: Խնդիրը նույնիսկ ոչ այնքան Ռուսաստանի վերաբերմունքն է նախկին խորհրդային հանրապետությունների նկատմամբ՝ հավելյալ ապացույցներ պետք չեն, որ այդ վերաբերմունքը, մեղմ ասած, հարգալից չէ: Շատ ավելի մտահոգիչ է այն, որ այդ հանրապետությունները, Հայաստանը՝ ներառյալ, դառնում են Ռուսաստանի և Արևմուտքի հակադրության, կոնֆրոնտացիայի առարկա: Մինչդեռ կոնկրետ մեզ՝ հայաստանցիներիս, շատ ավելի ձեռնտու կլիներ, եթե նրանք այս հետխորհրդային տարածքում համագործակցեին: Իսկ այս հակամարտությունը մեր քաղաքական ուժերին է դրդում «իրար վրա գործ տալ»՝ թե ով է ծպտյալ կամ բացահայտ ռուսամետ կամ արևմտամետ»:
Խմբագրականն ամբողջությամբ՝ կարդացեք «Առավոտ» օրաթերթի այսօրվա համարում:
