Դոնալդ Թրամփ-կրտսերը՝ ԱՄՆ գործող նախագահի որդին, Instagram-ում կիսվել է տեսահոլովակով, որում իր հայրը «խոցում» է CNN-ի տարբերանշանով ինքնաթիռը։
Ինչպես հստակեցնում է ABC News-ը՝ հոլովակի համար օգտագործվել են կադրեր 1986 թվականի «Լավագույն հրաձիգը» ֆիլմից։ Կարճ տեսանյութում Թրամփը հետապնդում է CNN-ի տարբերանշանով ինքնաթիռը, որից հետո հրթիռով խոցում այն։
«Լավագույն հոլովակներից մեկը, որ ես երբևէ տեսել եմ»,-մեկնաբանել է հրապարակումը Թրամփ-կրտսերը։
Ավելի վաղ նախագահն իր թվիթերյան էջում հրպարակել էր տեսանյութ, որում «ծեծում» էր մարդու, որի գլխի փոխարեն CNN-ի տարբերանշանն էր։
Թրամփը CNN-ն անվանում է «կեղծ նորությունների ալիք»։
