1. 15սմ երկարությամբ այս զվարճալի կենդանուն հայտնաբերել են ընդամենը մեկ տարի առաջ՝ Ինդոնեզիայի Բալի կղզու մոտակայքում: Այն ոչ գորտ է, ոչ՝ ձուկ: Որոշակի բնորոշում չկա: Գիտնականներն այդ կենդանուն դասում են ծաղրածու ձկան ընտանիքին: Այն թեփուկներ չունի, փոքր աչքերով է և՝ չափազանց մեծ երախով: Հերիք է բացի երախը, որ հավանական թշնամին խուճապահար փախուստ գործի:
2. Ահա ևս մեկ ծովային սարսափ` մարդկային ատամներով կալմար:
3. Կարծում եք ֆոտոշո՞փ է: Ոչ մի նման բան, ձեր առաջ իրականում գոյություն ունեցող ծովային կենդանի է, որը սակայն մեկ օրինակով է հայտնաբերվել: Այդ մռայլ կենդանին հետաքրքրել է գիտնականներին առաջին հերթին նրանով, որ չափազանց կարճ վերջույթներ ունի: Բայց ամենահետաքրքիրն այն է, թե որտեղից են հայտնվել ատամները: Պարզվում է, որ դրանք ոչ թե իրական ատամներ են, այլ մաշկային գոյացություններ:
4. Բանտապահի դեմքի արտահայտությամբ և ներկած շրթունքներով սարսափելի ձուկ էլ գոյություն ունի: Դա կարմրաշուրթն է: Կենդանաբանները նրան հենց այդպես են անվանում`Red-Lipped Batfish: Այդ հրաշքն ապրում է Կոստա-Ռիկայի ափերի մոտակայքում և սնվում է խխունջներով ու մանր ձկներով:
5. Իսկ այս ծովային հրաշքը նման է տիեզերական արարածի:
6. Առաջին հայացքից զվարճալի մանկական խաղալիք է, որը հետաքրքիր դեմք ու փղի ականջներ ունի: Իսկ իրականում այն դումբո-ութոտնուկ է, որն ապրում է մոտ հինգ հազար մետր խորության վրա: Սովորաբար ութոտնուկները խայթում են իրենց զոհին, իսկ այս կենդանին իր ցեղակիցներից տարբերվում է նրանով, որ միանգամից կուլ է տալիս նրան: Դումբոյին որսալ անհնար է: Անհրաժեշտության դեպքում այն հսկայական արագություն կարող է զարգացնել, իսկ եթե հայտնվում է հակառակորդների ատամների արանքում, ապա ազատվում է մաշկի վերին շերտից ու փրկվում:
