Իրանի արտգործնախարար Մուհամմադ Ջավադ Զարիֆը չի ծրագրում հանդիպել ԱՄՆ պետքարտուղար Ջոն Քերիի հետ: Այս մասին երեքշաբթի Թեհրանում ամենշաբաթյա մամլո ասուլիսի ժամանակ ասել է Իրանի ԱԳՆ մամլո քարտուղար Մարզեհ Աֆհամը՝ փոխանցում է IRINN գործակալությունը:
Ավելի վաղ Reuters գործակալությունը հայտնել էր, որ Զարիֆը և Քերին ՄԱԿ-ի Գլխավոր ասամբլեայի կուլիսներում կհանդիպեն:
Աֆհամը նաև նշել է, որ Զարիֆն ու Քերին կհանդիպեն միայն իրանական միջուկային հարցով 6 միջնորդ երկրների արտգործնախարարների հանդիպման կուլիսներում:
Նրա խոսքով՝ ծրագրված չէ հանդիպում նաև Իրանի նախագահ Հասան Ռուհանիի և ԱՄՆ նախագահ Բարաք Օբամայի միջև, իսկ հնարավոր հանդիպման մասին տեղեկությունը «ԶԼՄ-ները շահարկել են»:
Իրանի նախագահ Հասան Ռուհանին պատվիրակության հետ այսօր ժամանել է Նյու Յորք՝ մասնակցելու Գլխավոր ասամբլեայի 68-րդ նստաշրջանին: Ռուհանին ելույթ կունենա վաղը:
