iPad պլանշետների ամենաբարձր գինն աշխարհում գրանցվել է Արգենտինայում՝ գրում է The Wall Street Journal-ը:
CommSec-ի անցկացրած հետազոտության համաձայն՝ արգենտինացի սպառողները Wi-Fi-ով iPad-ի 16 գբ տարբերակի համար վճարում են 1.09 հազար դոլար: Դա գրեթե երկու անգամ գերազանցում է Մալայզիայում գրանցված արժեքը: Այնտեղ պլանշետի գինն ամենացածրն է՝ 473.7 դոլար:
Առավել թանկ գնով iPad վաճառող երկրների ցուցակում են նաև Բրազիլիան (791.4) և Դանիան(725.3):
CommSec-ը հետևում է, այսպես կոչված, iPod-ի ցուցիչին (արդյունքում այդ ցուցանիշում են ներառվել նաև iPad-ին վերաբերող տվյալները) 2007 թվականից՝ համաշխարհային արժույթները համեմատելու համար:
