ՌԴ իշխանությունները չեն ձեռնարկում բավարար քայլեր՝ ուղղված մարդկանց առևտրի խնդրի լուծմանը, իսկ երկրի տարածքում կան անօրինական աշխատանքայն ճամբարներ։ Այս մասին ասվում է Պետդեպարտամենտի զեկույցում։
2017 թվականին Ռուսաստանը 5-րդ տարին անընդմեջ ներառվել է պետությունների ամենացածր կատեգորիայում, որոնց իշխանությունների գործողությունները չեն համապատասխանում այդ հարցով ամերիկյան օրենսդրության նվազագույն չափանիշներին։
Չնայած լուրջ միջոցառումների սղությանը, կան հաղորդագրություններ այն մասին, որ ՌԴ իշխանության որոշ ներկայացուցիչներ որոշակի քայլեր են կատարում խնդրի լուծման ուղղությամբ։
Փաստաթղթում նշվում է, որ ռուսական իշխանություններն ընդլայնել են երկկողմ կապերը Հյուսիսային Կորեայի հետ, համաձայն որոնց՝ Հյուսիսային Կորեան ռուսական տարածքում ղեկավարում է աշխատանքայն ճամբարներ, որոնցում հազարավոր հյուսիսկորեացի աշխատողներ ենթարկվել են հարկադիր աշխատանքի։
Համաձայն պաշտոնական և ոչ պաշտոնական վիճակագրության՝ Ռուսաստանում կան 5-12 մլն օտարերկրացի աշխատողներ, որոնցից 1.5 միլիոնը՝ անօրինական ներգաղթյալներ։
Նշվում է, որ աշխատող ներգաղթյալներից շատերը բախվում են աշխատանքային պայմանների, որոնք բնորոշ են մարդկանց առևտրի դեպքերին, ինչպիսիք են փաստաթղթերը վերցնելը, մատուցված ծառայությունների դիմաց չվճարելը, ֆիզիկական բռնությունը, անվտանգության միջոցառումնների բացակայությունը կամ կյանքի չափազանց վատ պայմանները։
Զեկույցում ներառված է 187 երկիր։ Զեկույցի շրջանակում գնահատվել են իշխանությունների գործոությունները ստրկավաճառության դեմ պայքարում 2016 թվականի ապրիլի 1-ից 2017 թվականի մարտի 31-ը։ Ռուսաստանն ու Չինաստանը ներառվել են 23 երկրից կազմված երրորդ՝ ամենավերջին խմբում։ Այդ խմբում են ընդգրկվել նաև Բելառուսը, Ուզբեկստանը, Հյուսիսային Կորեան, Թուրքմենստանը, Սիրիան, Վենեսուելան և Իրանը։
