Ազգային վիճակագրական ծառայության այսօր հրապարակած «ՀՀ սոցիալ տնտեսական վիճակը 2011 թ. հունվար-ապրիլին» զեկույցի համաձայն, Հայաստանի և Իրանի միջև առևտրաշրջանառության ծավալն այս տարվա առաջին 4 ամիսներին, նախորդ տարվա նույն ժամանակահատվածի համեմատ, աճել է 27%-ով՝ կազմելով 80 մլն 390 հազար ԱՄՆ դոլար։ Նշենք, որ, 2009 թ. Համեմատ, 2010 թ. Հայաստանի և Իրանի առևտրաշրջանառության ծավալն աճել էր 38%-ով։
Հատկանշական է, որ առևտրաշրջանառության այս աճը կատարվել է գերազանցապես արտահանման հաշվին։ Այսպես՝ եթե այս տարվա առաջին 4 ամիսներին Իրանից Հայաստան ներմուծման ծավալը գրեթե չի աճել, ապա Հայաստանից Իրան արտահանման ծավալը աճել է 2.7 անգամ՝ կազմելով 25 մլն ԱՄՆ դոլար։