Թուրքիայի Բաթմանի նահանգում ձերբակալված ֆրանսիացի լրագրող – լուսանկարիչ Մաթիաս Դեպարդոնը, որն, ինչպես հայտնի է, կարտահանձնվի Ֆրանսիային, հայտնել է, որ իր հանդեպ կատարված անօրենություններով Թուրքիայի իշխանությունները ցանկացել են հատուկ ուղերձ հղել Թուրքիայի քրդաբնակ շրջաններում գործող թուրք և օտարերկրացի լրագրողներին։
«Կարծում եմ՝ նրանք ցանկանում էին հստակ ուղերձ փոխանցել հարավարևելյան շրջաններում դեպքերը լուսաբանող տեղացի և օտարերկրացի լրագրողներին», – ասել է լրագրողը։
Թուրքական diken.com.tr-ի փոխանցմամբ՝ մեկ ամիս շարունակ Գազիանթեփի՝ Ներգաղթի հետ կապված հարցերի վարչությունում պահվող ֆրանսիացի լրագրողը նաև նշել է, որ այդ ամբողջ ընթացքում նրան թույլ չեն տվել հանդիպել որևէ մեկի հետ։
Դեպարդոնը Թուրքիայի իշխանությունների կողմից մեղադրվում էր երկրում ահաբեկչական համարվող PKK-ին աջակցություն ցույց տալու համար։
