Ազգային ժողովն այսօր երկրորդ ընթերցմամբ և ամբողջությամբ ընդունեց «Կոռուպցիայի կանխարգելման հանձնաժողովի մասին» օրինագծերի փաթեթը։
Նախագիծն ընդունվեց միաձայն՝ 92 կողմ, 0 դեմ, 0 ձեռնպահ ձայների հարաբերակցությամբ։
Օրինագծով մասնավորապես կընդլայնվի հայտարարագրեր ներկայացնողների ցանկը, և 500-ի փոխարեն 2200 պաշտոնյաներ կպարտավորվեն հանրությանը ներկայացնել ունեցվածքը:
Կոռուպցիայի կանխարգելման հանձնաժողովը հետևելու է հայտարարագրերին, քննելու է հայտարարագրմանն առնչվող խախտումներին վերաբերող գործեր։
Հանձնաժողովի անդամներին ընտրելու է խորհրդարանը՝ պատգամավորների թվի ձայների մեծամասնությամբ:
