ՌԴ նախագահ Վլադիմիր Պուտինը NBC հեռուստաալիքի հետ հարցազրույցում հայտարարել է, որ ԱՄՆ-ը միջամտում է ողջ աշխարհում ուրիշների քաղաքական գործընթացներին, սակայն վիրավորվում Ռուսաստանից, որն իբրև թե միջամտել է իրենց նախագահական ընտրություններին։
Պուտինի խոսքով՝ «քարտեզի վրա որտեղ մատով դիպչես, ամենուր Ձեզնից կգանգատվեն, որ ամերիկացի պաշտոնատար անձիք միջամտում են իրենց ներքին քաղաքական գործընթացներին»։
Նա նշել է, որ դա հնչում է ոչ թե որպես արդարացում, այլ փաստի արձանագրում։
Պուտինը խնդրել է ԱՄՆ-ին չսովորեցնել Ռուսաստանին ապրել՝ կոռուպցիայի մասին հարցին ի պատասխան։
Պուտինի խոսքով՝ Մոսկվան պատրաստ է ականջալուր լինել մեկնաբանություններին, սակայն միայն այն դեպքում, երբ դա արվում է կառուցողական կերպով։
«Սակայն մենք դա չենք ընդունի, եթե նման բաները կիրառվում են որպես քաղաքական հակամարտության գործիք»,-ասել է նա։
Պուտինը հարցազրույցի ժամանակ հերթական անհեթեթություն է անվանել տեղեկությունն այն մասին, թե Ռուսաստանն իբրև ունի ԱՄՆ նախագահ Դոնալդ Թրամփի դեմ կոմպրոմատ։ Նրա խոսքով՝ Ռուսաստան են գալիս բազմաթիվ ամերիկացիներ, այդ թվում բիզնեսի հարցերով։ «Դուք ի՞նչ է՝ մտածում եք, որ մենք նրանցից յուրաքանչյուրի դեմ կոմպրոմա՞տ ենք հավաքում»։
