Ծնունդով Մարոկկոյից մի քանի հարյուր մարդ փորձել է գրոհով վերցրել իսպանական սահմանը: Ավելի լավ կյանքի հույս ունենալով՝ շուրջ 300 աֆրիկացիներ քանդել են վեցմետրանոց ցանկապատի մի մասը, որը իսպանական Մելիլյան բաժանում է Մարոկկոյից: Այստեղ նրանք բախվել են ոստիկանությանը:
Ինչպես հաղորդում է Middle East Online-ը, բախումների հետևանքով տուժել է յոթ մարդ: Այնուամենայնիվ, հարյուր ամենահաջողակներին հաջողվել է «պատուհան բացել դեպի Եվրոպա»: Այս մասին պաշտոնապես հայտարարել են Իսպանիայի իշխանությունները: Նրանց տվյալներով՝ Աֆրիկայի հյուսիսում տիրող անհանգիստ իրավիճակը հազարավոր մարդկանց ստիպում է ապաստան գտնել Իսպանիայում: Սակայն նրանք նախընտրում են եվրոպական երկրի տարածք հայտնվել անօրինականորեն:
Ոստիկանության արած տեսանյութում երևում է, թե ինչպես է ներգաղթյալների մի խումբ հաղթահարում սահմանային պատնեշները:
«Անօրինական ներգաղթյալները կարողացել են քանդել պատնեշները և ներխուժել երկրի տարածք՝ տարբեր իրեր նետելով սահմանապահների վրա, որոնք փորձել են խոչընդոտել ներխուժմանը»,- ասվում է իշխանությունների հաղորդագրության մեջ:
Նրանք հստակեցնում են, որ վնասվածքներ են ստացել հիմնականում ոստիկանները, տուժել է ներգաղթյալներից մեկը, որն ընկել է ցանկապատից ու կոտրել ոտքը (նրան հիվանդանոց են տեղափոխել):
Մնացած փախստականներին ոստիկանությունը պետք է ուղարկի հատուկ ճամբար, որտեղից ավելի ուշ նրանց կարտաքսեն հայրենիք:
