Ավելի քան 50 կոնգրեսականններ ստորագրել են նամակ՝ ԱՄՆ նախագահ Դոնալդ Թրամփի փեսա և խորհրդական Ջարեդ Քուշներին գաղտնի տեղեկատվությանը հասանելիությունից զրկելու պահանջով։ Այս մասին ասվում է կոնգրեսական Ջերոլդ Նադլերի կայքի հաղորդագրությունում։
«Ռուս գործակալների հետ Ջարեդ Քուշների բազմաթիվ կապերի մասին վերջին հաղորդագրությունները, շփումներ, որոնց մասին Ջարեդ Քուշները չի հայտնել, հանդիսանում են տագնապալի ազդանշան առ այն, որ նախագահի վարչակազմը հրաժարվում է ազնիվ ու թափանցիկ լինել ամերիկացիների համար»,-ասվում է հայտարարությունում։
Նադլերը կարծում է, որ դրա հետ կապված՝ Քուշների հասանելիությունը գաղտնի տեղեկատվությանը պետք է անհապաղ չեղարկվի։
Ավելի վաղ ամերիկյան ԶԼՄ-ները հայտնել էին, որ Քուշներն առաջարկել է ռուս դեսպան Սերգեյ Կիսլյակին ստեղծել Մոսկվայի հետ կապի գաղտնի ալիք։ Այնուհետև Սպիտակ տան աղբյուրը հայտարարել էր, որ նման նախաձեռնությունը եղել է հենց ռուս դիվանագետինը, այլ ոչ թե Թրամփի փեսայինը։
