Forbes ամսագիրը հրապարակել է ԱՄՆ 400 ամենահարուստ գործարարների ցուցակը: Ցուցակը 20-րդ անգամ գլխավորել է Microsoft ընկերության հիմնադիր և համասեփականատեր Բիլ Գեյթսը, որի ունեցվածքը գնահատվում է 72 մլրդ դոլար:
Վարկանիշային աղյուսակի լավագույն 20-ի մեջ են մտել Amazon-ի սեփականատեր Ջեֆ Բեզոսը՝ 27.2 մրդ դոլար, Google-ի հիմնադիր Լարի Փեյջը՝ 24.9 մլրդ, և Սերգեյ Բրինը՝ 24.4 մլրդ դոլար:
Ընդհանուր՝ 20-րդ, իսկ տեխնոլոգիական վարկանիշի 6-րդ տեղում է Facebook-ի հիմնադիր և գլխավոր տնօրեն Մարկ Ցուկերբերգը՝ 19 մլրդ դոլարով: Forbes-ի՝ մարտ ամսին հրապարակած վարկանիշային աղյուսակի ժամանակ 28-ամյա ղեկավարը ամենահարուստն էր տեխնոլոգիայի աշխարհում: Նրա ունեցվածքը գնահատվում էր 13.3 մլրդ դոլար:
Ցուկերբերգին հետևում է Սթիվ Բալմերը՝ 18 մլրդ դոլար ունեցվածքով: Մայքլ Դելի ունեցվածքը՝ Dell ընկերությունից, գնահատվում է 15.9 մլրդ: Փոլ Ալենն ունի 15.8 մլրդ դոլար, իսկ Չարլզ Էրգենը՝ Dish Network-ից՝ 12.5 մլրդ դոլար:
