Իրանական մաքսատանը առգրավվել է երեք միլիոն եվրոյի դոնորական արյամբ ավելի քան 250 հազար փաթեթ՝ դրամական միջոցներն արտասահմանյան արժույթով հատկացնելու խնդիրների պատճառով: Այս մասին հաղորդում է ISNA գործակալությունը:
Հաղորդագրության համաձայն՝ փաթեթները ներմուծվել են Ֆրանսիայից, և դրանց համար գումարը վճարվել էր նախկինում գործող դոլարի պաշտոնական փոխարժեքով (1 ԱՄՆ դոլարը՝ 12 հազար 260 ռիալ): Սակայն ներկայում ներմուծողը Իրանի Կենտրոնական բանկին պետք է վճարի հավելյալ գումար՝ դոլարի նախկին և ներկա փոխարժեքների տարբերության պատճառով (1 ԱՄՆ դոլարը՝ 24 հազար 700 ռիալ):
Իրանը նախկինում ևս ունեցել է արտասահմանյան արժույթի հետ կապված մաքսավճարների խնդիր: Օգոստոսին իրանական ԶԼՄ-ները հաղորդել են, որ ավելի քան 20 նավ, որոնք բերում են առաջին անհրաժեշտության ապրանքներ, գտնվում են նավահանգիստներում մաքսային ձևակերպումների հետ առաջացած խնդիրների պատճառով՝ կապված արտասահմանյան արժույթով անհրաժեշտ գումարը չհատկացնելու հետ:
