ԱՄՆ նախագահ Դոնալդ Թրամփն ու Սաուդյան Արաբիայի թագավոր Սալման բեն Աբդել Ազիզ Ալ Սաուդը կիրակի Էր Ռիադում բացել են Ծայրահեղահական գաղափարախոսության հակազդման միջազգային կենտրոն (GCCEI), որը ժամանակակից տեխնոլոգիաների օգնությամբ կպայքարի ծայրահեղականության դրսևորումների դեմ։ Այս մասին հայտնում է «Ալ-Արաբիա» հեռուստաալիքը։
Կենտրոնը մասնավորապես կհետևի ահաբեկիչների գործունեությանը համացանցում, ծայրահեղականության քարոզման և հետևորդների հավաքագրման դեպքերին, ինչպես նաև կդիմակայի ծայրահեղական գաղափարախոսությանը՝ չափավոր կրոնական ուսմունքի տարածման օգնությամբ։
ԱՄՆ-ի, արաբական և մուսուլմանական երկրների առաջնորդները Էր Ռիադում անցկացված գագաթնաժողովի ժամանակ հաստատել են ընդհանուր ջանքերով ահաբեկչության դեմ պայքարելու անհրաժեշտությունը։
Գագաթնաժողովի մասնակից ավելի քան 50 երկրների ներկայացուցիչները ողջունել են Իրաքում և Սիրիայում ահաբեկիչների դեմ պայքարի աջակցման համար պահուստային զորակազմի ձևավորման առաջարկը՝ ասվում է ամփոփիչ փաստաթղթում, որն ընդունվել է հանդիպման արդյունքներով։ Փաստաթղթում նշվում է, որ այդ պահուստի թվաքանակը կկազմի 34 հազար զինծառայող։
