Դոնալդ Թրամփի նախընտրական քարոզարշավի աշխատակիցները, որոնց թվում է Մայքլ Ֆլինը և այլ խորհրդականներ, շփումներ են ունեցել ռուս բարձրաստիճան պաշտոնյաների և այլ անձանց հետ, որոնք այս կամ այն կերպ կապված են Կրեմլի հետ: Այս մասին հաղորդում է Reuters գործակալությունը:
ԱՄՆ-ի գործող և նախկին բարձրաստիճան պաշտոնյաների տվյալներով՝ Միացյալ Նահանգների նախագահի ընտրություններից մեկ օր առաջ յոթ ամսվա ընթացքում Թրամփի շտաբի անդամները առնվազն 18 շփում են ունեցել ռուսների հետ:
Գործակալության փոխանցմամբ՝ նախկինում անհայտ այդ շփումներից 6-ը եղել են խոսակցություններ ԱՄՆ-ում ՌԴ դեսպան Սերգեյ Կիլսյակի և Թրամփի խորհրդականների միջև, որոնց թվում է նաև Ֆլինը՝ ազգային անվտանգության հարցերով ԱՄՆ նախագահի նախկին խորհրդականը:
Աղբյուրները, որոնք պատմել են այդ շփումների մասին, պարզաբանել են, որ չեն տեսել Թրամփի շտաբի անդամների և ռուս պաշտոնյաների միջև շփումների չար դիտավորության մասին ապացույցներ:
