Կիբերանվտանգության բնագավառի մասնագետները կարծում են, որ ավելի քան 1.3 միլիոն համակարգչային համակարգեր մինչ այժմ խոցելի են WannaCry վիրուսի հանդեպ, որի միջոցով մայիսի 12-ին գլոբալ կիբերգրոհ Է իրականացվել, հաղորդում է Financial Times-ը:
Ինչպես ավելի վաղ հայտարարել Է Եվրոպոլի տնօրեն Ռոբ Ուեյնռայթը, կիբերգրոհների շարքը կարող Է վերսկսվել մայիսի 15-ի առավոտյան: Նրա տվյալներով՝ վիրուսի տարածումն արդեն 200 հազար օգտատերերի Է վնասել աշխարհի 150 երկրներում:
Avast հակավիրուս մշակողները հայտնել են WanaCrypt0r 2.0 վիրուսի օգտագործմամբ 57 հազար հաքերական գրոհների մասին: Ընկերության տվյալներով՝ առաջին հերթին վիրուսը տարածվում Է Ռուսաստանում, Ուկրաինայում և եւ Թայվանում: Ինչպես ավելի վաղ հայտնի Է դարձել, ցանցահեններն օգտագործել են ԱՄՆ-ի Ազգային անվտանգության գործակալության վերափոխված վնասաբեր ծրագիրը:
