«Ժողովուրդ» օրաթերթը գրում է.
«Հիշո՞ւմ եք` հուլիսի 3-5-ը ՀՀ Սահմանադրական դատարանը կազմակերպել էր «Իրավունքի գերակայության եվրոպական չափորոշիչները և իշխանությունների հայեցողության սահմանները Եվրոպայի խորհրդի անդամ երկրներում» թեմայով խորհրդաժողով:
Եվ ահա երեկ ՀՀ վարչապետ Տիգրան Սարգսյանը, որը Չինաստանում է, որոշում է կայացրել ՀՀ պետական բյուջեից գումար հատկացնել Համաեվրոպական խորհրդաժողովի հետ կապված 14,4 մլն դրամի ծախսերը հոգալու համար: Ինչպես փաստում են «Ժողովուրդ»-ի տրամադրության տակ գտնվող փաստաթղթերը, այդ գումարը տրվել է արտասահմանյան պատվիրակությունների ընդունելության համար 2013թ. պետական բյուջեով նախատեսված միջոցներից: Այսպիսով, չնայած Համաեվրոպական խորհրդաժողովի վրա ծախսված հսկայական գումարներին, Սերժ Սարգսյանը որոշեց գնալ դեպի Մաքսային միություն:
Հոդվածն ամբողջությամբ՝ կարդացեք «Ժողովուրդ»-ի այսօրվա համարում:
