Մաքսիմ Քավթարաձեն իր 59 տարիներից արդեն 20-ն ապրում է Վրաստանում գտնվող ժայռերից մեկի վրա: Նա անընդհատ աղոթում է երիտասարդ տարիներին գործած մեղքերի համար, երբ ալկոհոլ էր օգտագործում և թմրանյութ վաճառում:
Այդ վայրը Կացխիի սյուն է կոչվում: Մինչքրիստոնեական ժամանակաշրջանում այն տարբեր լեգենդներով էր պարուրված, իսկ մեր թվարկության 5-րդ դարում ծայռի ստորոտին հայտնվել է առաջին եկեղեցին:
Եկեղեցին երկար ժամանակ ամայի է մնացել, և հենց Մաքսիմն է ջանացել վերանորոգել այն. գումար է հավաքել, անձամբ է բարեկարգել տարածքը:
2010 թ. Կացխի է այցելել Համայն վրաց պատրիարքը, ով այս հոգևոր վայրին հնագույն սրբապատկեր է նվիրաբերել, որն էլ կրում է Մաքսիմը, և իրենից հետո կփոխանցվի իր հետնորդին:
Քավթարաձեն նախկինում կռունկի վրա է աշխատել, այդ պատճառով էլ բարձրությունից չի վախենում: Նա ասում է, որ բարձրության վրա իրեն Աստծուն մոտ է զգում:
Այցելուների հանրահայտ ճգնավորը սովորաբար չի ընդունում, իսկ լուսանկարիչը ստիպված չորս օր շարունակ առավոտյան ժամը չորսին արթնանալով՝ 7 ժամ աղոթել է, մինչև լուսանկարելու թույլտվություն է ստացել:
