Օրերս հայտնի դարձավ, որ Բաքուն հերթական զինատեսակներն է ստացել Մոսկվայից: «Առաջին լրատվական»- ի հետ զրույցում «Ողջ մնալու արվեստ» կազմակերպության ղեկավար Վովա Վարդանովը, անդրադառնալով հարցին՝ շատ է նշվում, որ Մոսկվայի կոմից ինչ զինատեսակ տրամադրվում է Ադրբեջանին, նույնը նաև Հայաստանին է տրամադրվում՝ շուկայական գնից ցածր գնով, արդյո՞ք հավասարակշռությունը կպահպանվի այս դեպքում, նշեց. «Այն, որ մեզ պատրաստ են տրամադրել շուկայականից ցածր գնով, դա իրոք այդպես է, չեն խաբում, նույնիսկ ոչ թե շուկայականից ցածր, այլ ներքին գնով են տալիս: Գրեթե նույն գնով, որով իրենց պաշտպանության նախարարությունն է գնում, կարող ենք մենք գնել, բայց հավասարության մասին խոսելը աճպարարություն է: Երբ որ կշռաքարերը դրված են մի կողմից 10 տոննա, մյուս կողմից՝ 10 կգ, 10 տոննայի վրա եթե ինչ-որ բան ես դնում ու խոսում ես հավասարակշռության մասին, դա աբսուրդ է: Դրանք մանիպուլյատիվ, մոլորեցնող հայտարարություններ են»:
Շատ է քննադատվում, որ մեր իշխանությունները ամեն անգամ պատշաճ արձագանք չեն տալիս Մոսկվային՝ իր վարած քաղաքականության համար: Անդրադառնալով հարցին, թե այս դեպքում ինչ կարող է անել Հայաստանի դիվանագիտությունը. կարո՞ղ ենք Գյումրու ռազմաբազայի հետ կապված պահանջներ դնել՝ թեկուզ գումարային պահանջներ, Վովա Վարդանովը նշեց, որ ռազմաբազան մեզ համար պետքական է: Նրա կարծիքով՝ Մոսկվան Բաքվի հետ անբարոյական գործարքի գնաց, բայց մեր հակաքայլը Գյումրու ռազմաբազան չպետք է լինի:
Մանրամասները՝ տեսանյութում:
