Ֆրանսիայում երկու հայտնի փաստաբաններ՝ Ժակ Վերժեն և երկրի նախկին արտգործնախարար Ռոլան Դյուման, հայտարարել են, որ պատրաստվում են դատի տալ Ֆրանսիայի նախագահ Նիկոլա Սարկոզիին՝ մեղադրելով նրան մարդկության դեմ գործած հանցանքի մեջ: Այս հայտարարությունը նրանք արել են Լիբիայի մայրաքաղաք Տրիպոլիում:
Մամուլի ասուլիսի ժամանակ Լիբիայի արտգործնախարարության պաշտոնական ներկայացուցիչ Իբրահիմ Բուխազն ասել է, որ փաստաբանները որոշել են աջակցել «ՆԱՏՕ-ի ռմբակոծություններին զոհ դարձածների՝ ընդդեմ Սարկոզիի հայցին»: Այս մասին հաղորդում է France Presse գործակալությունը:
«Փաստաբանները Լիբիայում տուժած ընտանիքների անունից հայց կներկայացնեն ֆրանսիական դատարաններ»,- ասել է Բուխազին այն երեսուն ընտանիքների անունից, որոնք հայց են ներկայացրել Սարկոզիի դեմ: Դյուման իր հերթին նշել է, թե ապշել է այն հետևանքներից, որոնք առաջացել են ՆԱՏՕ-ի ռմբակոծություններից հետո, երբ «խաղաղ բնակչության պաշտպանությանն ուղղված օպերացիան բազմաթիվ խաղաղ բնակիչների մահվան պատճառ է դարձել»:
Վերժեն ՆԱՏՕ-ի երկրներին անվանել է «մարդասպաններ»՝ հայտարարելով, թե իրենք «կոտրելու եմ լռության պատը»:
