ԱՄՆ նախագահի տիկինը՝ Մելանյա Թրամփը, և կրտսեր որդին՝ Բերոնը, Նյու Յորքից Վաշինգտոն կտեղափոխվեն այս տարվա ամռանը: Այս մասին հաղորդում է Fox հեռուստաալիքը՝ վկայակոչելով Սպիտակ տան վարչակազմի՝ անունը չնշված բարձրաստիճան աշխատակցի:
Այդ աղբյուրի տեղեկությունների համաձայն, տեղափոխությունը կկայանա այն բանից հետո, երբ 11-ամյա Բերին, որը հաճախում Է Էլիտար մասնավոր դպրոց, ուսումնական տարին կավարտի իր համար սովորական միջավայրում: Սպիտակ տուն ժամանելը մի քանի ամսով հետաձգելու Մելանիայի մտադրությունը, որպեսզի Բերոնն ուսումնական տարին ավարտելու հնարավորություն ունենա, ավելի վաղ հաստատել Էր նաև ԱՄՆ-ի վարչակազմի ղեկավար Դոնալդ Թրամփն ինքը, որի պաշտոնակալությունը տեղի Է ունեցել հունվարի 20-ին:
Իր հերթին NBC հեռուստաալիքը ճշտել Է, որ Մելանյան և Բերոնը, ինչպես սպասվում Է, գլխավոր նախագահական նստավայր (գտնվում Է Վաշինգտոնի Փենսիլվանիա-ավենյու 1600 հասցեում) կժամանեն «հունիսից հետո»: Վկայակոչելով անունները չնշված աղբյուրներ՝ NBC-ն նշել Է, որ Մելանյան ներկայում ակտիվորեն մասնակցում Է Սպիտակ տան բնակելի հարկաբաժինների համար կահույք ընտրելուն: Առայժմ Մելանյան և Բերոնը մնում են Հուդզոնի ափին գտնվող քաղաքում, որտեղ բնակվում են Trump Tower երկնաքերի փենթհաուսում:
