Աշխարհի ներկա իրադրության ցանկացած համեմատում նացիոնալ-սոցիալիզմի դարաշրջանի հետ ոչ մի լավ բանի չի հանգեցնի, հայտարարել է Գերմանիայի կառավարության պաշտոնական ներկայացուցիչ Շտեֆան Զայցբերգը` մեկնաբանելով ԱՄՆ նախագահ Դոնալդ Թրամփի մամլո քարտուղար Շոն Սփայսերի հայտարարությունը: Այդ մասին հայտնում է RIA Novosti-ն:
Ավելի վաղ Սփայսերը Սիրիայի նախագահ Բաշար Ասադին համեմատել է Ադոլֆ Հիտլերի հետ` լրագրողների համար ճեպազրույցում հայտարարելով, որ նույնիսկ Հիտլերը չի հասել այնպիսի ստորության, ինչպես քիմիական զենքի օգտագործումն է:
Ճեպազրույցից հետո լրագրողները փորձել են ճշտել, տեղյա՞կ է Սփայսերը, որ նացիստական Գերմանիան օգտագործել է գազային խցիկներ: Սփայսերը փորձել է իրավիճակից դուրս գալ, հայտարարելով, որ Հիտլերը չի օգտագործել քիմիական զենք իր մարդկանց դեմ «նույն ձևով», ինչպես անում է Ասադը:
Կոնգրեսի Ներկայացուցիչների պալատի դեմոկրատների թևի ղեկավար Նենսի Փելոսին արդեն պահանջել է Սփայսերի հրաժարականը` կապված նրա արտահայտությունների հետ:
