«Եվրատեսիլ 2017» միջազգային մրցույթի մասնակիցներին ցուցադրել են մրցույթի գլխավոր մրցանակը՝ բյուրեղապակե բարձրախոսը: Տեսագրությունը BBC Eurovision-ի Twitter-ում հրապարակվել է ապրիլի 6-ին:
Պարգևի տեսքը շփոթության մեջ է գցել Եվգենի Գալիչին՝ O.Torvald խմբի մենակատարին, որը մրցույթում ներկայացնում է Ուկրաինան: «Օու՛, սա ի՞նչ է»,-հարցրել է նա նկարահանման խմբին: Չեխ երգչուհի Մարտինա Բարտան փորձել է նետել մրցանակը, բայց նրան ժամանակին կանգնեցրել են: Մրցույթի մասնակիցները նաև հետաքրքրվել են, թե արդյոք այդ մրցանակն իսկական է, ինչպես նաև՝ այժմ պե՞տք է արդյոք, որ իրենք ելույթ ունենան, թե արդեն կարող են տուն մեկնել:
«Եվրատեսիլ 2017»-ի կիսաեզրափակիչները տեղի են ունենալու Կիևում՝ մայիսի 9-ին և 11-ին, եզրափակիչը՝ մայիսի 13-ին:
Անցյալ տարի մրցույթում հաղթել է երգչուհի Ջամալան, որը ներկայացնում էր Ուկրաինան:
