Սըր Ալեքս Ֆերգյուսոնը միշտ առանձնացել է երկու բաներով` իր մաստակով ու խոսքի սրությամբ: Այսօր Ձեր ուշադրությանն ենք ներկայացնում լեգենդար մարզչի 15 լավագույն մեջբերումները:
1999 թվականի Չեմպիոնների Լիգայի` «Բավարիա»-ի դեմ եզրափակչից հետո.
«Ես չեմ կարող հավատալ: Պարզապես չեմ կարողանում հավատալ: Սա ֆուտբոլ է, գրողը տանի»:
Գարի Նևիլի մասին.
«Եթե նա ընդամենը մեկ դյույմ ավելի բարձրահասակ լիներ, Բրիտանիայի լավագույն կենտրոնական պաշտպանը կլիներ: Նրա հայրը 6 ֆուտ 2 դյույմ հասակ ուներ. ես կստուգեի նրանց կաթնավաճառին»:
Լրագրողի` Խուան Սեբաստիան Վերոնի հասցեին հնչեցրած քննադատության մասին.
«Կորե´ք այստեղից: Ես խղճուկ հիմար չեմ, որ խոսեմ Ձեզ հետ: Նա շատ մեծ խաղացող է: Իսկ դուք անուղեղ սրիկաներ եք»:
Ռայան Գիգզի մասին.
«Հիշում եմ, երբ առաջին անգամ տեսա նրան: Նա 13 տարեկան էր, բայց այնպես էր վազում խաղադաշտում, ինչպես Կոկեր-Սպանիելը վազում էր արծաթե թղթի հետևից քամու տակ»:
Իտալացիների մասին.
«Երբ իտալացին ինձ ասում է, որ ափսեի վրա մակարոն է, ես նայում եմ սոուսի տակ, որպեսզի համոզվեմ դրանում: Նրանք ծխածածկույթի հայտնագործողներն են»:
«Լիվերպուլ»-ի մասին.
«Իմ գլխավոր նպատակը ոչ մի կապ չունի նրա հետ, ինչ հիմա կատարվում է, քանի որ իմ գլխավոր նպատակն է «Լիվերպուլ»-ին իրենց կեղտոտ գահից: Կարող եք հենց այդպես էլ գրել»:
Այն մասին, թե արդյոք «Լիվերպուլ»-ը կարող է դառնալ չեմպիոն 2007 թվականին.
«Դուք պետք է որ կատակ անեք: Ես մազոխիստի տե՞սք ունեմ, ով ուզում է կտրել իր երակները: Միգուցե, խոսենք նրանց դուրս մնալու հավանականության մասին»:
«Յունայթեդ»-ի 19-րդ չեմպիոնական տիտղոսի մասին.
«Այնքան էլ կարևոր չէ, որ մենք շրջանցեցինք «Լիվերպուլ»-ին: Ավելի կարևոր է, որ «Յունայթեդ»-ը հիմա երկրի ամենատիտղոսակիր ակումբն է:
2003 թվականին Դևիդ Բեքհեմի վրա խաղակոշիկ նետելու փաստի մասին.
«Դա, իհարկե, տարօրինակ միջադեպ էր: Եթե դա փորձեի անել 100 կամ նույնիսկ միլիոն անգամ, չէի դիպչի նրան: Եթե կարողանայի դիպչել, կշարունակեի խաղալ ֆուտբոլ»:
Ֆիլիպո Ինձագիի մասին.
«Երևի այս տղան ծնվել է խաղից դուրս վիճակում»:
Արսեն Վենգերի մասին.
«Նա գիտնակա՞ն է, հա՞: Խոսում է 5 լեզուներով: Ինչ ասեմ, իմ թիմում կա Կոտ-Դ´Իվուարից մի 15 տարեկան տղա, ով նույնպես խոսում է 5 լեզուներով:
Ժոզե Մոուրինյոյի մասին.
«Օ, նա ինձ բոսս ասեց ու մեծագույն մարդ անվանեց, երբ մենք մեր առաջին խաղից հետո նստեցինք մեկ գավաթ գինի խմելու: Այդ ամենը կարող էր աշխատել, եթե նրա խոսքերին ուղեկցեր նաև մեկ գավաթ լավ գինին: Բայց այն, ինչ նա բերել էր, ներկը մաքրելու համար նախատեսված ինչ-որ հեղուկի էր նման»:
«Մանչեսթեր Սիթի»-ի մասին.
«Երբեմն լինում է, որ դուք աղմկոտ հարևաններ եք ունենում, ու չեք կարողանում դրա դեմ որևէ բան անել: Նրանք միշտ կմնան աղմկոտ: Դրա համար պետք է պարզապես միացնել հեռուստացույցն ու ձայնը բարձրացնել»:
Ուեյն Ռունիի տրանսֆերային հարցման մասին.
«Երբեմն դուք նայում եք դաշտին ու այնտեղ կով եք տեսնում: Ու մտածում եք, որ այն ավելի լավն է, քան այն կովը, որ կանգնած է հարևան դաշտում: Փաստ է, այդպես չէ՞: Մենք երբեք չենք գնում այդ ուղով»:
Կրիշտիանու Ռոնալդուի` «Ռեալ» տեղափոխության մասին:
«Դուք, ի՞նչ է, կարծում եք, որ ես պայմանագիր կկնքեի այդ կազմակերպության հետ: Ոչ մի շանս չկա, որ դա կլինի: Ես նրանց չեմ պատրաստվում վաճառել իմ վիրուսը: Վստահ եմ դրանում: Եվ ակումբների միջև էլ ոչ մի համաձայնություն չկա»:
