«Առաջին լրատվական»-ի զրուցակիցն է «Հոգևոր Հայաստան»- ի աջակից Աշոտ Մանուչարյանը:
-Պարոն Մանուչարյան, վերջերս ձերբակալվեց Սամվել Բաբայանը, այդ գործի շրջանակներում շարունակվում են ձերբալկալությունները, ո՞ւմ կարող էր խանգարել Սամվել Բաբայանը, և ինչո՞ւ էր նրան պետք գալ Հայաստան և այսպիսի սպառնալից հռետորաբանությամբ սկսել գործունեությունը:
-Սամվել Բաբայանը քաղաքականության մեջ կամա թե ակամա հայտնվել է 93թ-ին: Ես հետագայում նրան միշտ անվանել եմ ղարաբաղյան մելիք, որովհետև նրա իշխանությունը շատ ավելի լայն էր, միշտ կային ֆունկցիոներներ Ղարաբաղում, բայց Սամվելը փաստացի տոտալ ղեկավար էր, չնայած պաշտոնը, որ նա զբաղեցնում էր՝ ղարաբաղյան բանակի գլխավոր հրամանատար, ավելի լոկալ բան էր ենթադրում, բայց նա 93-ից քաղաքականության մեջ է, 98-ից նաև հայաստանյան քաղաքականության մեջ է էապես, արդեն անմիջական ներգրավված էր գործընթացների մեջ, մասնավորապես իշխանափոխության գործընթացի մեջ, այն ժամանակվա քաղաքական կուրսի մերժման գործընթացի մեջ և դրանից հետո միշտ փորձել է էական դերակատարություն ունենալ: Ղարաբաղը Հայաստանի այնպիսի հատված է, որը հատուկ նշանակություն ու դերակատարում ունի, և Ղարաբաղի ղեկավարները այսպես թե այնպես քաղաքականացված են: Այն բանից հետո, երբ որ Ս. Բաբայանը զրկվեց իշխանությունից, ինքն իրեն չէր կարող փոխել, մեծ գիտելիքներ ուներ, մեծ կապեր, իհարկե այդ ամենը ափսոս էր, որ գնաց ոչ այն լավագույն ճաապարհով, որով պետք է գնար…
Այսօր Սամվել Բաբայանը նորից կարող էր դրական դերակատարում ունենալ: Ինչ-որ իմաստով այդ դերակատարումը կար, որովհետև նա փոփոխությունների հատվածն էր ներկայացնում, անկախ նրանից, թե այդ հատվածի մեջ ովքեր կան, նախկին իշխանավորներ, խայտառակ գործընթացների այս կամ այն չափով մասնակիցներ, բայց դա էական նշանակություն չի կարող ունենալ, որովհետև հիմա հիմնարար բաժանումն այսպիսին է՝ ով է փոփոխությունների կողմնակից և ով է ուզում պահպանել գոյություն ունեցող վիճակը:
–Պարոն Մանուչարյան, դուք նշեցիք, որ նա անկասկած իր դերակատարությունն ուներ այս փուլում, սակայն մամուլը և նաև գործիչներն իրենք նշեցին, որ անձամբ Սամվել Բաբայանը մեծ դերակատարում է ունեցել այն հարցում, որ տեղի չունեցավ լայն կոնսոլիդացիան, նկատի ունեմ Պարույր Հայրիկյանի, Արամ Գ. Սարգսյանի նաև Վիկտոր Դալլաքյանի հայտարարություններն այդ մասին:
-Անկախ ուղղվածությունից՝ Սամվել Բաբայանը շատ ավելի արդյունավետ և հստակ գործող գործիչ է, նրա գործունեության ծավալը էապես գերազանցում է այլ քաղաքական գործիչների գործունեության ծավալը, նպատակադրումները և այլն: Նա մեծ դեր է կատարել… Փաստ է, որ նա քաղաքականության մեջ էական գործոն էր, կարող էր տարբեր գործարքների մեջ մտնել տարբեր անձանց հետ, բայց ամենակարևորն այն է, որ միշտ ունի սեփական մոտեցումը և տեսակետը, և կարող է թե՛ դրական, թե՛ բացասական անակնկալ մատուցել ցանկացած գործչի, իր հետ համաձայնության եկած ցանկացած անձի հետ:
-«Իգլա»-ի հետ նրա առնչությունը բացառո՞ւմ եք , թե՞ ոչ: Օրինակ՝ Բաբայանի փաստաբանը նրան քաղբանտարկյալ չի համարում, մինչդեռ ՕՐՕ-ի շատ գործիչներ ասում են, որ նա քաղբանտարկյալ է:
-…ԱԱԾ-ի տեղեկությունների համաձայն՝ վերջին մեկ տարուց մի քիչ ավելի ժամանակահատվածում չորս մահափորձ, դավադրություն է եղել բարձրագույն իշխանությունների, հիմնականում Սերժ Սարգսյանի դեմ. եթե 1 տարվա մեջ չորս տարբեր խմբեր ուզում են քեզ սպանել, ուրեմն ինչ-որ բան այն չէ՝ քեզ հետ կապված, քո տեղում չես, ինչ-որ անհասկանալի բաներ ես անում: Սթափ գործիչը առաջին հերթին պետք է մտարծեր՝ ինչ փոխել: Ոստիկանական մեթոդներով այդ միտումը կանգնեցնել հնարավոր չէ, դու 4-ին բռնել ես, 44-ին դուրսն ես թողել, մյուս 444-ն էլ, որ դեռ չեն սկսել, օր ու գիշեր մտածում են, Աստծուն են դիմում, որ քեզ հետ մի բան պատահի: Դու պետք է փոխես վարքագիծդ:
Եվ այսպես՝ 4 գործողություն. արդյո՞ք դա Սերժ Սարգսյանը նստել մտածել է կամ նրան հավաստի զեկույց են տվել, և այդ այդ 4-ն էլ իրականություն են, թե՞ լրիվ այլ բան է. ինչ-որ մարդիկ, ինչ որ ներքին սկբունքներով կամ արտաքին պատվերներով առաջնորդվող մարդիկ, որոնք գործում են իշխանության տարբեր՝ օղակներում առաջին հերթին ԱԱԾ-ում, ներկայացնում են Ս. Սարգսյանին ինչ-որ բան, քանի որ նա միանձնյա է որոշումներ կայացնում, շատ արագ ճարպիկ գործիչներ են գտնվում, որոնք նրա քթից բռնած նրան ման են ածում: Այդպիսին էր դարձել իրավիճակը Ռոբերտ Քոչարյանի ժամանակ, նա բացարձակ կամազուրկ էր դարձել, բայց ինքը տեղյակ չէր դրանից, նույնը հիմա կատարվում է Ս. Սարգսյանի հետ:
Հ.Գ. Աշոտ Մանուչարյանի հետ հարցազրույցն իրականացվել է խորհրդարանական ընտրություններից մեկ օր առաջ:
Հարցազրուցն ամբողջությամբ՝ տեսանյութում:
