Եգիպտոսի բանակը Սինայի թերակղզու հյուսիսում օդային գործողության ժամանակ ոչնչացրել է թերակղզում գործող, ԴԱԻՇ-ին հավատարմության երդում տված «Բեյթ ալ-Մաքդիս» ահաբեկչական խմբավորման հիմնադիրներից մեկին: Այս մասին հայտնում է youm7.com պորտալը՝ վկայակոչելով Եգիպտոսի զինված ուժերի ներկայացուցչի հայտարարությունը:
Ըստ առկա տեղեկության՝ ոչնչացված առաջնորդն է Աբու Անիս ալ-Անսարին, նա համարվել է ամենավտանգավոր և որոնվող ահաբեկիչներից մեկը Եգիպտոսում: Գործողությունը, որի արդյունքում ոչնչացվել է ալ-Անսարին, իրականացվել է դեռևս մարտի 18-ին, նրա հետ միասին ոչնչացվել է խմբավորման 17 գրոհային: Ոչնչացված գրոհայինի անձը միայն հիմա է հաջողվել պարզել:
