Փարիզում սկսվել է Հանրապետական կուսակցությունից նախագահի թեկնածու Ֆրանսուա Ֆիյոնի կողմնակիցների զանգվածային հանրահավաքը՝ փոխանցում է BBC-ն։
Ֆիյոնը հույս ունի, որ բազմահազարանոց հանրահավաքը ցույց կտա նախկինի պես իր բարձր ժողովրդականությունը՝չնայած այն բանին, որ մոտ ապագայում նրա դեմ կարող է քրեական գործ հարուցվել։
Թեկնածուի ընտրարշավին զգալիորեն խոչընդոտում է ֆինանսական սկանդալը. Ֆիյոնին կասկածում են նրանում, որ նա աշխատանքի է տեղավորել իր կնոջն ու վճարել նրան ծառայության համար, որն իրականում չի մատուցվել։
Համաձայն հասարակական կարծիքի հարցման արդյունքների՝ ֆրանսիացիների 70 տոկոսը կցանկանար, որպեսզի Ֆիյոնը հաներ թեկնածությունը։
Երկուշաբթի կուսակցության առաջնորդները հանդիպում կանցկացնեն՝ քննարկելու այս իրավիճակը։
