Մեծ Բրիտանիայի նախկին վարչապետ Թոնի Բլեերը չորեքշաբթի այցելել է Սպիտակ տուն՝ գաղտնի հանդիպման, որի ժամանակ քննարկվել է ԱՄՆ նախագահ Դոնալդ Թրամփի վարչակազմում նրա՝ Մերձավոր Արևելքի գծով խաղաղության դեսպան նշանակելու հարցը։ Այս մասին հայտնում է Mail on Sunday-ն՝ հղում անելով իրազեկ աղբյուրներին։
Պարբերականի տվյալներով՝ Բլեերը հանդիպել է Թրամփի փեսայի և համատեղությամբ ավագ խորհրդական Ջարեդ Քուշների հետ։ Զրույցի ընթացքում նրանք քննարկել են ընթացիկ իրավիճակը Մերձավոր Արևելքում և տարածաշրջանում խաղաղ կարգավորման գործընթացը։
«Բլեերը շատ բան է արել, որպեսզի ստանա այդ աշխատանքը, և Թրամփի թիմը նրան շատ լուրջ է վերաբերվում»,-ասել է աղբյուրը։
Բլեերի ներկայացուցիչը չի մեկնաբանել այս տեղեկությունը։
