Իտալացիները ստեղծել են հատուկ Twitter՝ Իտալիայի մասին բոլոր կարծրատիպերը հերքելու նպատակով: Այս մասին հաղորդում է The Local-ը:
«Մենք ցանկանում ենք հեռանալ «մաֆիա, սպագետի, մայրիկ» կարծրատիպերից: Իտալիան ավելի շատ է ինտեգրված գլոբալիզացված աշխարհին», – ասվում է նախագծի հեղինակ Մատա Մասայի և նրա ընկերուհու՝ Վալենտին Վերսարի հայտարարության մեջ:
Նախագծի գաղափարը փոխառել են Շվեդիայի զարգացման ազգային խորհրդից: Այժմ համանման նախագծեր կան մի շարք երկրներում, օրինակ՝ Ուկրաինայում, Պակիստանում և Նոր Զելանդիայում: Իտալական նախագծի հիմնական տարբերությունն այն է, որ այն նախաձեռնել է ոչ թե կառավարությունը, այլ սովորական բնակիչները: Ամեն շաբաթ Twitter-ի էջը վարելու է նոր մարդ: