Եթե ուզում եք մեծացնել նիհարելու ձեր հնարավորությունը, խուսափեք սթրեսից և լավ քնեք, խորհուրդ են տալիս ԱՄՆ-ի Kaiser Permanente հետազոտական կենտրոնի մասնագետները: Օրական 6 ժամից ավել, բայց 8 ժամից ոչ ավել քնելն օգնում է նիհարել 6 ամսում մինչև 4,5 կիլոգրամով: Այս մասին հայտնում է mignews.com-ը՝ վկայակոչելով 500 մասնակիցների ուսումնասիրության արդյունքները:
Կամավորները սննդի միջոցով օրական 500-ական կալորիա են ստացել, նրանց սննդակարգը եղել է ճարպերի, շաքարի ցածր պարունակությամբ, մրգերի և բանջարեղենի մեծ պարունակությամբ, մասնակիցները նաև ֆիզիկական վարժություններ են արել շաբաթական մինչև 180 րոպե:
Քնի որակը և հոգեհուզական լարվածության մակարդակը նիհարելու հաջողության լավ կանխատեսող գործոններ են, եզրակացրել են գիտնականները: Նրանց խոսքով՝ լավ քունը և հուզական հանգստությունը կրկնակի մեծացնում են նորմալ նիհարելու հնարավորությունը:
