«Ինչպես տեսնում ենք, Հայաստանի քրեաօլիգարխիկ ռեժիմը՝ հավատարիմ իր դերին, վերջին շրջանում սկսել է զանգվածային ռեպրեսիաներ քաղաքացիական ակտիվիստների դեմ»: Այսօր ոստիկանության գործողությունների դեմ անցկացված ակցիային այս մասին հայտարարեց քաղաքացիական ակտիվիստ, օրեր առաջ ոստիկանների հետ բախման և ծեծի ենթարկվելու արդյունքում ուղեղի ցնցում ստացած Արգիշտի Կիվիրյանը:
Նրա խոսքով՝ վերջին ամիսներին ձևավորվում են դիմադրության հասարակական լոկալ կոճակներ և ակտիվիզմի նոր փուլ․ «Ռեժիմը, օգտագործելով կրիմինալ լծակները, փորձ է անում ամեն գնով մեկուսացնել ակտիվ քաղաքացիներին, փորձ է կատարվում հասարակության մեջ սերմանել վախի մթնոլորտ: Հասարակությունը պետք է դիմակայի, այլ պարագայում էլ ավելի մեծ ռեպրեսիաներ են սպասվում մեզ»:
Ակտիվիստը նշեց նաև, որ հասարակության լայն շերտերը պետք է միանան իրենց պայքարին․ «Ո՞վ է այսօր կանգնած որպես ռեժիմի հիմնասյուն. դա ոստիկանություն չի, դա սեռական անբավարարությամբ տառապող մի ոհմակ է, հարձակվում 20-25 տարեկան աղջիկ են լպստում»,- ասաց Կիվիրյանը:
