Կալիֆոռնիայի համալսարանի հետազոտողները կարծում են, որ կոկաինի օգտագործումը կարող է մի քանի ժամում փոխել ուղեղի կառուցվածքը: Նրանց կարծիքով՝ այդպիսով օրգանիզմն անում է թմրակախվածության առաջին քայլը: Այս մասին հայտնում է BBC-ն:
Կենդանիների վրա արված փորձերը ցույց են տվել, որ արյան մեջ թմրանյութի հայտնվելուց կարճ ժամանակ անց ուղեղում ձևավորվում են և ավելանում նոր բջջային կառուցվածքներ՝ կապված ուսուցման և հիշողության գործընթացների հետ: Կենդանիների ուղեղն ուսումնասիրվել է լազերային մանրադիտակով:
Գիտնականները հույս ունեն, որ հետազոտության արդյունքները կօգնեն զարգացնել թմրակախվածության բուժման մեթոդները:
