Հյուսիսային Կարոլինայի համալսարանի հետազոտողները մշակել են բջիջներ, որոնք ունակ են թիրախավորված տեղաշարժվել ուղեղի հյուսվածքներում և ոչնչացնել թարախակույտերը։ Այս մասին գրում է Science Translation Medicine ամսագիրը։
Գիտնականները եկել են եզրակացության, որ գլխուղեղի թարախակույտերն արտադրում են քիմիական նյութեր, որոնք ազդանշան են ծառայում ցողունային բջիջների գրավման համար։ Հետազոտողները կարծում են, որ ցողունային բջիջները կարողանում են որպես վնասվածք ճանաչել չարորակ գոյացությունը, որը պետք է շտկել, սակայն փոխարենը նպաստում են դրա աճին։
Գիտնականները փորձ են ձեռնարկել կիրառելու բջիջիների ունակությունը՝ գաղթելու դեպի թարախակույտը՝ ստեղծելու «տրանսպորտ»՝ դեղորայքի մատակարարման համար։ Դրա համար կիրառվել են քիմիական միացություններ, որոնք վերածրագրավորել են մաշկի սովորական բջիջները՝ դարձնելով դրանք ինդուկցված ցողունային iNSC-ներ։
Փորձի ընթացքում հետազոտողները պարզել են, որ դրանք շարժվում են դեպի չարորակ նորագոյացությունը 22 ժամում 50 միկրոն արագությամբ։ Գիտնականները հատուկ ցողունային բջիջներում դրել են հակաքաղցկեղային նյութեր։ Արդյունքում թարախակույտին հասած բջիջերը մեկ ամսում նվազեցրել են դրա չափերը մինչև 50 անգամ, ինչը երկարացրել է փորձի մասնակից հիվանդ կրծողների կյանքը երկու անգամ։
