«Հայաստանում տեխնոլոգիական տնտեսական ինդուստրիալ զարգացման համար առաջին հերթին պետք է ունենանք բիզնեսներ, որոնք կարող են բարձր տեխնոլոգիական արտադրանքը ապահովել և արտահանել: Մեր ուժ ասելով՝ ես նկատի չունեմ զուտ այն, որ պետք է պաշտպանական միջոցները զարգացնենք, այլ մենք պետք է ունենանք ուժեղ տնտեսություն: Մարդիկ պետք է գիտակցեն, որ մենք այլ ճանապարհ չունենք, դա դժվար, բայց հնարավոր ճանապարհ է: Պետք է ունենանք ինժեներական բանակ, որը կնպաստի տնտեսության զարգացմանը: Հարցը ոչ միայն ինժեներների բանակ ունենալն է, այլ նաև հաջողակ բիզնեսներ ունենալը, որոնք կկարողանան մեր արտադրանքը վաճառել արտասահմանում, դա է լինելու մեր ուժը»,- «Առաջին լրատվական»- ի հետ զրույցում այս մասին ասաց Ճարտարագիտական հետազոտական կենտրոնի փոխտնօրեն Արտակ Համբարյանը:
Նրա խոսքով՝ մեզ հետ հաշվի կնստեն միայն այն ժամանակ, երբ մենք կլինենք ուժեղ տնտեսական միավոր, այնպես, ինչպես փոքր բնակչությամբ Սինգապուրի հետ են հաշվի նստում:
Ա. Համբարյանի դիտարկմամբ՝ ինժեներական կրթության հարցը համալիր խնդիր է, այն պետք է սկսել դպրոցից, եթե ոչ մանկապարտեզից:
Մանրամասները՝ տեսանյութում: