Սեպտեմբերի սկզբին Բեռլինում մեկնարկում է IFA ցուցահանդեսը, որտեղ սմարթֆոն արտադրողներն ավանդաբար հայտարարում են իրենց աշնանային նորույթների մասին: Ամենասպասվածն այս տարի Sony-ի նոր ֆոտոսմարթֆոնն է, որը պայմանականորեն կոչվում է Honani, i1 կամ Z1, հաղորդում է hitech.vesti-ն:
Թայվանական ePrice կայքը հաղորդում է, որ նոր սարքը կունենա ներկայիս Xperia Z-ի չափսերը, ինչը պայմանավորված է դիսփլեյի չափսով` 5 դյույմ, դիզայնը նույնպես շատ չի տարբերվի:
Դրա հետ մեկտեղ Xperia i1-ն կունենա ավելի հզոր պրոցեսոր: Չիպի հաճախականությունը 1.5-ից կդառնա 2.2 գեգահերց: Homani-ն կունենա 2 գբ օպերատիվ հիշողություն: Sony-ի նոր ֆլագմանի գլխավոր նորույթը G-տեսախցիկն է` 20 մեգապիքսել և Bionz լուսանկարների մշակման հատուկ պրոցեսորը: Սենսորի չափսը կկազմի 1/2.3 դյույմ: Ավելի վաղ հաղորդվել էր այն մասին, որ դրա չափսը կլինի 1/2.5 դյույմ
