Պետդեպարտամենտի մոտ 900 աշխատակիցներ ստորագրել են ներքին հուշագիր, որում քննադատության է ենթակվում ԱՄՆ նախագահ Դոնալդ Թրամփի միգրացիոն հրամանագիրը։ Այս մասին հայտնում է Reuters-ը՝ հղում անելով փաստաթղթին ծանոթ աղբյուրին։
Պետդեպի բարձրաստիճան ներկայացուցիչը հաստատել է, որ հուշագիրը փոխանցվել է ղեկավարությանը։
Հունվարի 30-ին Սպիտակ տան պաշտոնական ներկայացուցիչ Շոն Սպայսերը հայտարարել էր, որ տեղյակ է փաստաթղթի մասին, սակայն նախազգուշացրել է գերատեսչության աշխատակիցներին, որ պետք է «հաշտվեն կամ հեռանան»։
Համաձայն Պետդեպի կայքի տվյալների՝ այնտեղ մոտ 69 հազար մարդ է աշխատում։
